شوله لر دره سين شوله لري، قوزلو چايي Qozlu Çayı نين دره لره نين بويوك قيسميني تشكيل ائدير. قوزلو چايي، اوجرلو چاي Ücərlü Çay نين قول لاريندان دير. بو دره نين اونملي شوله لرين دن بويوك شوله Böyük Şülə، قيزيل قايا شوله سي Qızıl Qaya Şüləsi، يوخاري شوله Yuxarl Şülə و باشقالارين آد چكمك اولار. بويوك شوله 21 مئتير اوجاليق لا، دره نين سون حيصه سينده، قوزلو و شاوون كندلري آراسيندا يئرلشيب. بو شوله، شوله لرينين ان اوجاسي دير. يوخاري شوله 16 مئتير اوجاليق لا، قوزلو كندي ندن 300 مئتير آراليق لا، كندين گونئي دوغوسوندا يئرلشيب. بو شوله لر خيردا شوله لرله بيرليكده، گوزل ليك توپلومو ياراديب لار. عوموميت له، شوله لرين چوخ سايي سي، شوله لر دره سي نين اورتا لاريندا يئرلشيب لر. بويوك شوله دره نين ان اوجا هابئله سون شوله سي اولاراق تانينماق دا دير.
دره نين اوزونلوغوندا (بويوندا) چئشيدلي آغاج لار و تورلوتورلو هالاخ لار وارديرلار. ياشيل ليغلا برابر داش و تورپاق بو گوزل ليك لرين موكميل لي دير. دره نين ايچينده اوستونلوك ياشيل ليغلادير؛ درنين ديب يندن آرا آچيب دره نين يوخاري لاري نا قالخماق لا داش و تورپاق چوخاليرلار. سو، آغاج، داش، تورپاق و گوزل سس (سو و قوش لارين اوخوما سسي) شوله لر دره سي نين گوزل لييني گوستريرلر. 
يئريمك، كئچمك و قدم لمك اوچون جيه يول لار (ائني آز يول لار) ciyə yolدره نين قيراغيندا داوام ائدير. دره نين ائن ليي، چاي ين يان يوره سينده عوض اولماق لا، اوتاي بوتايا كئچير. بو يول لاردان كئچمك اوچون، تئز تئز چاي ين اوتاي بوتاي ينا كئچمك لازيم اولور.
