قوزلو كندي اردبيل ايالتي نده يئرلشن موغان بولگه‌سي‌نين مركزي بولومو و ايني قصبه سينين گوزل كندلريندن بيري دير. بو كند 39 درجه و صيفير داياقا قوزئي ائنلم‌لرينده و 48 درجه و 8 داياقا دوغو بويلام‌لاريندا يئرلشيب.[1] [2]
[redaktə] قوزلونون آدي
بعضي يئرلي اهالي، بو كندده چوخ گيردكان آغاجي اولدوغو اوچون اونو قوزلو آدلانديرماغين ايديعا ائديرلر. آما آزربايجان‌نين آيري گيردكان اولمايان يئرلرينده قوزلو آدلا اولان كندلره دفعه‌لرله راست گلمك اولار. جيناب عاديل ايرشادي فر بئله يازير كي بو كندلر اوغوزلارين ايلك مسكون‌لاشديغي يئرلرديرلر. عرب‌لر بو يئرلره غوزلو دئييرميش‌لر. توركجه‌ده سوزلرين اولينده غ سوزجويو گلمير و بو آد ايندي قوزلو آدي‌لا آدلانير.[1] [2] [3] [4]
قوزلو كندي 1365، 1370 و 1375 ايللرينده ترتيب‌له 58، 60 و 50 ائو عائيله هابئله 403، 357 و 295 نفر جاماعتي وار ايميش. بو كندين جاماعاتي‌نين ديلي، بوتون بولگه كيمين آزربايجان توركجه‌سي‌دير و مذهبي اون ايكي ايمام‌لي شيعه دير.[1] [2]1385 اينجي ايلين نوفوس سايييسي اساسيندا بو كندين 222 نفر اهالي‌سي وار. [5]
قوزلو كندي‌نين اهالي‌سي اكينچي‌ليك، مال داوارچيليق، باغدارليق، آري چيبين چيليغ و ساييره ايشلرله ياشاييش سورورلر. [3] [1] [2]
[redaktə] جوغرافيايي موقعيت
قوزلو كندي قوزئي‌دن قنبرلي و ايزمارا كندلرينه؛ گونئي‌دن ايني كندي‌نه، دوغودان بي اره ، يوخاري شاوون و تپه كندلرينه و باتي‌دان گئرمي داغي‌نا محدوددور. [3] [1] [2]
[redaktə] گوزل و گزمه‌لي يئرلر
قوزلو كندي باغ-باغات‌لي كند اولماق‌لا، گئرمي شهري‌نين هابئله يان-دوره‌ده اولان كندلرين اهالي‌سي‌نه بير گزمه‌لي يئر حيساب اولونور. بو كندين گزمه‌لي يئرلريندن شوله لر دره سي، گيردكان باغ‌لاري و اسكي تپه‌لري آد آپارماق اولار.[1] [2]
[redaktə] قوزلونون رسيم خاناسي
-
-
قوزلو كندي‌ندن گوزل منظره
-
-
-
-
قوزلو كندي‌نده گيردكان(قوز) آغاجي
[redaktə] خاريجي كئچيدلر
- ↑ 1,0 1,1 1,2 1,3 1,4 1,5 پژوهشي در جغرافياي مغان، سيد محمد ابراهيمي، انتشارات نيك اموز، 1385
- ↑ 2,0 2,1 2,2 2,3 2,4 2,5 قوزلو كندي نين اوزل وئبلاگي
- ↑ 3,0 3,1 3,2 قوزلو كندي‌نين بوروشورو
- ↑ فرهنگ واژه گان تركي در زبان و ادبيات فارسي، عادل ارشادي فر، باغ انديشه
- ↑ ايرانين آمار مركزي
http://az.wikipedia.org/wiki/%D9%82%D9%88%D8%B2%D9%84%D9%88
