شوله لر دره سي، اون لار جا بويوك كيچيك شوله سي (شوران - ي، شلاله سي) اولماق لا، اردبيل ايالتي ، گئرمي (موغان) بولگه سي هابئله قوزلو كندي نين گزملي گورمه لي يئرلريندير ^{[1] [2] [3]}.

[redaktə] جوغرافيايي موقئعي

شوله‌لر دره‌سي، اوزون بير دره اولاراق، قوزلو كندي‌نين آشاغاسيندان (گونئي دوغوسوندان) باشلانيب؛ آشاغا شاوون (شووون) كندينين ياخين‌ليغندا، قوزاي و گئن‌دره‌نين اته‌يينده (قوزلونون قوزئي دوغوسوندا) قورتارير. بو گوزل دره ايمكانات ياراتماق‌لا بويوك و گوزل بير توريست سئور يئره چئوريله بيلر. شوله لر دره سين شوله لري، قوزلو چايي نين دره لره نين بويوك قيسميني تشكيل ائدير. قوزلو چايي ، اوجرلو چاي نين قول لاريندان دير.^{[1] [3] [2]}

بويوك شوله؛ قوزلو كندي نده

[redaktə] اونملي شوله لر

بو دره نين اونملي شوله لرين دن بويوك شوله ، قيزيل قايا شوله سي ، يوخاري شوله و باشقالارين آد چكمك اولار.

[redaktə] بويوك شوله

بويوك شوله 21 مئتير اوجاليق لا، دره نين سون حيصه سينده، قوزلو و آشاغا شاوون كندلري آراسيندا يئرلشيب. بو شوله، شوله لرينين ان اوجاسي دير.

[redaktə] يوخاري شوله

يوخاري شوله 16 مئتير اوجاليق لا، قوزلو كندي ندن 300 مئتير آراليق لا، كندين گونئي دوغوسوندا يئرلشيب.
بو شوله لر خيردا شوله لرله بيرليكده، گوزل ليك توپلومو ياراديب لار. عوموميت له، شوله لرين چوخ سايي سي، شوله لر دره سي نين اورتا لاريندا يئرلشيب لر. بويوك شوله دره نين ان اوجا هابئله سون شوله سي اولاراق تانينماق دا دير ^{[1] [3] [2]}.

[redaktə] شوله لر دره سي نين طبيعتي

دره نين اوزونلوغوندا (بويوندا) چئشيدلي آغاج لار و تورلوتورلو هالاخ لار وارديرلار. ياشيل ليغلا برابر داش و تورپاق بو گوزل ليك لرين موكميل لي دير. دره نين ايچينده اوستونلوك ياشيل ليغلادير؛ درنين ديب يندن آرا آچيب دره نين يوخاري لاري نا قالخماق لا داش و تورپاق چوخاليرلار. سو، آغاج، داش، تورپاق و گوزل سس (سو و قوش لارين اوخوما سسي) شوله لر دره سي نين گوزل لييني گوستريرلر. يئريمك، كئچمك و قدم لمك اوچون جيه يول لار (ائني آز يول لار) ciyə yol دره نين قيراغيندا داوام ائدير. دره نين ائن ليي، چاي ين يان يوره سينده عوض اولماق لا، اوتاي بوتايا كئچير. بو يول لاردان كئچمك اوچون، تئز تئز چاي ين اوتاي بوتاي ينا كئچمك لازيم اولور ^{[1] [3] [2]}.

[redaktə] اتك يازي لار

1. ↑ ^{1,0 1,1 1,2 1,3} پژوهشي در جغرافياي مغان، سيد محمد ابراهيمي، انتشارات نيك اموز، 1385
2. ↑ ^{2,0 2,1 2,2 2,3} قوزلو كندي نين اوزل وئبلاگي
3. ↑ ^{3,0 3,1 3,2 3,3} قوزلو كندي‌نين بوروشورو

[redaktə] قايناق‌لار

پژوهشي در جغرافياي مغان، سيد محمد ابراهيمي، انتشارات نيك آموز 1385

قوزلو كندي نين بوروشورو، قوزلونون ايسلامي شوراسي

http://qozlukendi.blogspot.com/

http://az.wikipedia.org/wiki/%D8%B4%D9%88%D9%84%D9%87_%D9%84%D8%B1_%D8%AF%D8%B1%D9%87_%D8%B3%DB%8C